1 ա Անունը աւելի ընտիր է շատ հարստութիւնից. Արծաթից ու ոսկիից շնորհքն է լաւ։
2 բ Հարուստը եւ աղքատը հանդիպում են իրար. գ նորանց ամենքի անողը Տէրն է։
3 դ Խորագէտը տեսնում է չարիքը եւ իրան պահում, բայց պարզամիտները անց են կենում եւ վնասվում։
4 ե Խոնարհութեան և Տիրոջ երկիւղի վարձքն է հարստութիւն, եւ պատիւ ու կեանք։
5 զ Փուշեր, որոգայթներ կան ծուռ մարդի ճանապարհումը. է իր հոգին կ’պահպանէ ով որ նորանցից հեռանայ։
6 ը Կրթիր երեխային իր ճանապարհին համեմատ, որ ծերացած էլ՝ չի հեռանալ նորանից։
7 թ Հարուստ աղքատներին կ’տիրէ, եւ փոխ առնողը ծառայ կ’լինի փոխ տուողին։
8 ժ Չարութիւն ցանողը անօրէնութիւն կ’հնձէ, եւ նորա բարկութեան գաւազանը պիտի կորչէ։
9 ի Բարի աչք ունեցողը օրհնուած կ’լինի, որովհետեւ իր հացիցը տալիս է աղքատին։
10 լ Դուրս արա ծաղրողին, եւ կռիւը դուրս կ’գնայ, եւ վէճն ու անարգանքը կ’դադարէ։
11 խ Սրտի մաքրութիւն սիրողին, որ շնորհք ունի իր շրթունքի վերայ, թագաւորը բարեկամ է։
12 Տիրոջ աչքերը պահում են գիտութիւնը, եւ նա աւերում է անօրէնի խօսքերը։
13 ծ Ծոյլն ասում է. Առիւծ կայ դրսումը. Հրապարակների մէջ կ’սպանուիմ։
14 կ Խոր փոս է օտար կնիկների բերանը. հ որի վերայ որ Տէրը բարկացած է՝ նա այնտեղ կ’ընկնի։
15 Յիմարութիւնը կապուած է երեխայի սրտին. ձ խրատի գաւազանը նորան կ’հեռացնէ նորանից։
16 Ով որ աղքատին զրկէ՝ իրանը շատացնելու համար է. Ով որ հարուստին է տալիս՝ դա միայն կորուստի համար է։
17 Ծռիր ականջդ եւ լսիր իմաստունների խօսքերը, եւ սիրտդ տուր իմ գիտութեանը։
18 Որովհետեւ հաճելի է եթէ նորանց պահես սրտումդ. Նորանք բոլորը միատեղ հաստատուին քո շրթունքի վերայ։
19 Որպէս զի քո ապաւինութիւնը Տիրոջ վերայ լինի, հէնց քեզ սովորեցրի այսօր։
20 ղ Չէ՞ որ քեզ համար գրեցի եռապատիկ խրատներով եւ գիտութեամբ.
21 ճ Որ քեզ սովորեցնեմ ճշմարտութեան խօսքերի ստուգութիւնը, մ որ քեզ հարցնողներին ճշմարտութեան խօսքեր պատասխանես։
22 յ Մի կողոպտիր աղքատին որովհետեւ աղքատ է. Եւ ն տնանկին մի կոխիր դատարանումը.
23 շ Որովհետեւ Տէրն է վարում նորանց դատը, եւ նա կ’կողոպտէ՝ նորանց հոգին կողոպտողներին։
24 Մի ընկերանար բարկութեան տէր մարդի հետ, եւ բորբոքուող մարդի հետ մի գնար։
25 Որ մի գուցէ սովորես նորա ճանապարհները, եւ որոգայթ ստանաս քո հոգիի համար։
26 ո Մի լինիր ձեռքը գրաւի պէս տուողներից, որ պարտքի համար երաշխաւոր են լինում.
27 Եթէ դու չ’ունենաս վճարելու, ի՞նչու համար չ անկողինդ տակիցդ առնեն։
28 պ Մի շարժիր տեղիցը վաղեմի սահմանանշանները, որ շինել են քո հայրերը։
29 Տեսե՞լ ես մի մարդ որ շուտափոյթ է իր գործումը. Նա թագաւորների առաջին է կանգնելու, աննշան մարդկանց առաջին չի կանգնիլ։
Առակաց 22